在前往第一個目的地--戰爭紀念館途中，EDWARD緊係講韓戰既野先啦，歷史我最鐘意聽原來當我地留意緊北韓試射既時候，南韓D新聞已經係報導緊兩岸關係緊張，仲已經試過做落地下鐵避難既演習啦，危機真係一觸即發，北韓真係變態。。。今次既導火線原來係因為原本南韓政府每年都會俾稅收既46%俾左佢地，但因金融海嘯既關係最近取消左，一唔俾之下就給北韓視為敵對關係，南北本一韓，搞成咁又何苦呢！

戰爭紀念館其實都幾多野睇，搞到忍唔住係咁影相，雖然只係係出面影(冇去室內，好似話要俾錢既)，但係已經好正，有好多唔同既武器展出，真係大開眼界！有個兄弟銅像其實幾感人話說哥哥弟弟本身一起過著簡樸快樂既生活，但係在戰爭期間給拉入伍，一個要幫北韓，一個要幫南韓，最後係戰場相遇，禁不住擁抱，現實中他們最後自殺，真係悲慘。。。和平真是要珍惜啊！

大約半小時候又要上車了，時間真係唔多夠，可能我地鍾意依D野，左影右影啦。下個目的地就係梨泰院~由於附近就係美軍基地，所以D人都識講英文，落車後首先先去左Evisu 牛仔褲專門店買左件TEE，平唔平真係唔知啦，應該都平過香港D既。條街有D似星光大道，星光大道地下係掌印，而依度地下就係有D唔同國家HELLO既水渠蓋，緊係要收集晒佢啦，最後搵到24個國家，D雨愈落愈大，買左韓紙筆做紀念品之後拿拿聲上車先。SAMSUNG車

跟住就係去Coex Mall 娛樂購物城，買左架龜甲船，之後又行下模型店咁啦，間電子市場(好似超市咁，不過全部都係賣電子產品)真係咩都有，見到Samsung，LG依D韓國品牌，本來諗住買既，LG耳筒香港真係冇得買，但係價錢其實同香港差不多，所以最後都係冇買到。。

午飯就係去食人蔘燉雞+長壽麵，初初以為碗中得隻雞同D湯，但係食食下先發現原來雞中有飯，真係好野。。。而D飯亦都好入味(人參味)，但相反可能D雞浸得太耐，所以冇咩味。

食完野就去樂天世界啦，順序黎計是先玩海盜船，然後就係玩海洋公園式過山車，之後就係文俗博物館，依度有好幾多野影，D模型做得好仔細，然後就去左排4D影院，有d位都幾4D既，不過唔同海洋公園既係佢會幾行一齊搖動，最後就去左玩滑浪飛船，有2個斜坡，所以都幾正。排隊既時候亦可以係牆壁中再次體現佢地獨特既文化。

玩完之後又係晚飯時間，晚餐就係食豪華牛肉海鮮火鍋，但係豪華既係場地，而不是我們的食物，導遊其實想轉地方食的，因為真係冇咩野食，但係佢試過轉完之後俾公司責罵左1個鐘，所以都係放棄，食完之後導遊請飲野，等團友依個時間我地去左隔離買左地鐵車票做紀念(硬卡來的，很重本啊！)。

回酒店的車程Edward當然不會咩都唔講啦，韓國男女出街女仔都係要俾錢的，因為男要在廿歲到當三年兵而且一個月只係得200蚊，所以男方都幾SO架，不過如果結婚既話男方就要要把戶口轉去女方個度，但就可以有打老婆既權力，好多家庭都一星期一次，依個好似有d變態。。。

回到酒店已經9點半啦，搞左一陣，"嘩"下D風景之後十點三就去左沙灘放煙花，D煙花點極都唔著，唯有去問人借煙頭同火柴(JEFF樣那位團友)，到最後用左500won買左打火機都係好難搞，太大風啦

依間酒店正既野係超先進同新(只係開左幾個月)，風景亦都幾好
唔好既係周圍都冇咩人，有D靜，酒店既便利店唔係24小時開，唔係好方便

第一個目的地就係三星汽車博物館，館外D車全部油銀晒，真係唔知咩事搞到好似大富翁D棋咁，我寧願佢保留原本既好過。。館入面有好多車展覽，連GT4架BENZ都有，仲有BACK TO THE FUTURE架車，RX-7，樓上仲有得打GT4，依度D展品全部都係由有錢人捐出既，係就係好正，對於我同bruce黎講。。不過得五個字時間，趕到死，因為我地要趕住去下一個目的地---夢幻樂園和加勒比海水上樂園

crazy taxi架車             一個字--超型              1:1模型

 較番個時間先                DMC                   小心利比亞人啊!!!

在沿途又係聽Edward講野既時間，韓國人原來同日本人好似，都係唔會點學英文，因為學英文都係為左做生意，而佢地就唔會點主動咁同外國客戶接觸，.因為佢地注重自給自足，怕過度倚賴外國而影響國家經濟，至安全。另外，好既野亦都先供應給本國 (真係好似日本，但係就同中國相反) ，例如韓國車出口貨只有約3年壽命，供應給本國的則至少有6年，又如韓國西瓜只會在國內售，那些都好聚手的(見底)。另一方面，韓國政府其實冇咩錢，韓國中的四大企業財力最勁，四大企業包括SAMSUNG，LG，HYUNDAI，SK。

到達後我地首先到水上樂園等D團友放locker,跟住番去夢幻樂園，其實2個樂園就在隔離，在這2個樂園玩的時間比例可自己決定，不過首先一齊在夢幻樂園搭纜車先。個樂園9點開門，我地12點先到，團友爭取下集合時間由6點改為7點。

搭纜車的路上是一條類似美國小鎮大街的東東，那個纜車其實都冇咩必要，因為唔似ocean park咁有幾個山頭，去到彼岸就自由活動，我地首先玩左T-EXPRESS，好正啊!!仲偷偷地錄左段片，可能係首度曝光都唔定，因為佢唔俾人錄影架，有好多CAM係度捕住你，一有發現仲會停車添(上斜時)，到時就真係囉啦。

玩完之後諗住買FANTA，同個sales講左一輪之後佢好似明咁，心中暗喜之際點知竟然俾左支QOO我，真係去到絕望既邊緣。

 D車好搞笑              今日想必很多人

 佈影版....不過幾真@@    潑水啦~~                      韓國童軍              

 團體照                    上纜車啦                職員個個都會做依個手勢，
                                                                  但係咩意思呢??

還不算等太耐          塗鴉文化               開始淆           又買唔到我想要既野啦..

然後就去左睇蝴蝶，雀仔等等的，仲有猴子樂園睇馬餾，D動物好似知道我地影佢咁擺POS，超Q啊~LUNCH時間都係自由既，只係買左粒粒雪糕食，太好啦...終於冇用英文買錯野啦。

 這隻手？當然不是我的

 個邊好似有野睇喎                                            再觀T-express

猴子樂園，當然少不了美猴王同D猴子猴孫啦




之後諗住去鬼屋點知間鬼屋原來係好似巴斯光年咁既野，白白排左9個字。。D韓國青年想不到都咁低B，竟然玩得好ENJOY咁。。。之後就去左世界花園，激靚真係激靚，行完之後已經好累，搭"斜佬電梯"上斜，去左玩海盜船依次既海盜船只係FEEL到好暈，跟住BRUCE去玩攤位射槍，你給人找了老襯啦，然後就番去入口附近既機鋪睇睇，又去左紀念品店，可惜冇錢買野

 俾個門口昆左.......

花車巡遊                      開始進入"激靚"既世界花園


                          HP既lego都有

5點05分我地先去水上樂園，首先搵LOCKER搞左陣，3000won都唔算貴既。池邊個D地下好多沙，行得好唔舒服，我地係室內搵左條6,7層樓高既滑梯玩，排左一個鍾到啦，雖然人唔係多，但係要等前面個個落左去先可以到下個，不過好彩都幾好玩，排隊個陣不妨同FD講下廣東話，會有奇怪既事情出現架。玩完就去左室外玩水泡，條水路都幾長，由於水流關係自動去架個人，好正，拋開個水泡直頭游快左幾倍添，玩左2圈之後就去左浸溫泉，真係舒服到唔捨得走，最後好唔捨得咁係7:06走人，換完衫之後就已經7點3，跑番去架車度，導遊係車門歡迎我地

是日晚餐為猪肉火鍋，7點30就到達，D色有D似牛肉，泡菜都算幾齊，仲有豆豉同普通既白菜。

番酒店既一小時多車程中，又係EDWARD講野既時間，EDWARD都叫我地留意下，其實韓國人的小朋友容貌是曲髮，鼻矮，單眼皮，當我想起C英就自然立體呈現，但係大人就完全唔同，係因為整容+化妝品已經係好common既野10個有9個都有做過，EDWARD都整過個鼻。。。之後就講導遊一定講既---鬼故啦，..如果係2:00或者2:15am聽到有怪聲，第一次可以用張HSBC既100蚊攝去門底 (因為獅子係萬獸之王)，然後擰轉身諗下有冇做過衰野，然後如果消失左既話者係好猛，要再勁D，再黎張1000(因為佛像都係鍍金..)，仲話韓國人好有規律，所以好準時，講到似層層，其實我估應該係佢同領隊係出面敲門同收錢

番房之後擺低D野就落SUPREMARKET買旅遊書上推介既野D野，仲見到EDWARD介紹既本地多汁多肉西瓜由於日日無膠袋日既關係，好狼狽咁先可以搬到D野番房

 超市                           重磅西瓜

左起:依支係糙米豆奶，在這數天我見到都會買來飲的，因為真係好正，不過香港搵唔到有，大家去韓國記得試試啦。中間既係17荼，17既意思係有17種草藥係入面，類似我們的涼茶，很那裡現在很出名的，大家想這幾天"順暢"一點的話記得飲多D啦！特別係唔鐘意食泡茶既團友。


                                 
講下住左2日既酒店，其實都OK既，廁所燈有一盞壞，第二日係冇投訴下得番，另外仲竟然有lotion，一間冇咩星星既酒店都有，證明韓人真係好重自己個樣。。。
酒店既好處係有SUPERMARKET，BOWLING，最好既我覺得係間房近飲水機，而且D冷氣都夠。唔好處可以話係冇咩特別，一間正正常常既房同埋有小小舊(不過只係小小)

匯率 = HKD 1:158 WON

這個trip有好多好，壞的經歷，不過正如Edward話齋，開心既帶番香港，唔開心既留係韓國，所以我亦只會打開心既野記錄下來。
-----------------------------------------------------------------------------------
9/7 (晴)

  晚機，有點累。

8點42分就到左客運大樓，原本10點集合，我地早去食野，就係

 旅行既第一餐，味千拉麵，好貴



之後我地就去報到check in 啦，仲以為我地係TVB兒童節大使添。個團好多小朋友，因為多樂園的關係?!在禁區中又食左burger king...正啊

 OZ 724 747-400 (DEP.TIME 00:30)

空姐D英文真係好O咀...
Bruce: seafood plz!
Jacky:me too
空姐應該認為我(me)...要二號(two)..俾左麵餐我
仲有件趣事。。。
降落時，空姐收耳筒，我部mp3機放在椅袋度，聽緊既時候，空姐二話不說抽起左，mp3
露了出來，空姐尷尬到極點，好難忍笑。。
不過韓亞D機位真係好窄，仲話係五星airline，電視都冇部，都係國泰好。

 飛機餐特寫

10/7 (晴)
4點50分到就到左韓國機場，check out個時見到全部電視都係用samsung，真係把炮啦，同導遊唱左10000WON之後就買左杯咖啡提提神。Bruce唔講飲凍飲，熱腫左個咀
之後都差不多上車了。
  
 便利店MINI SHOP        仁川國際機場              指示牌
 
 美國冒險樂園數飛櫃位  My cappuccino


 出發啦!!!

第一站就係普羅斯旺(法國)村啦，其實都冇咩野睇，純粹係打發時間，(草莓妹樂園工房要9點幾先開)。D景都ok既，不過就唔知做咩好多蜘蛛網，係咪新景點？定係裝修？真係唔知啦‧‧‧我認為佢既存在只係製造景點吸引遊客。差不多上車時竟然俾我地發現左司機同ANDY煮緊辛拉麵，大家就緊係一齊食啦，聽說韓國既辛拉麵係好食D嫁‧‧‧



 其實都幾ok既D景。                               施工圖一張
       
                            係架車隔離由司機帶頭煮麵，其他人陸續加入。。

第二站係個免費既增遊景點，統一公園，如果好天既可以看到北韓嫁，不過望遠鏡竟然又冇開..其實個度仲有個博物館，不過太累了，冇入到。

 依度對面就係北韓啦。

第三站係草莓妹樂園工房，草莓妹係韓國自家設計既卡通人物，D景其實都幾CUTE嫁，同埋俾我地見到幼稚園既小朋友...佢地自細已經受到儒家思想既教育(服從文化)，所以好聽話，D細路玩得都幾開心既。

  門口一個大公仔

 幼稚園生列隊參觀      手術室現場

 好大既LEGO啊

 被外星人帶走的平民   看我怎出茅招啦！

‧‧‧


 往食飯的路上看見一個個軍事設施防禦北韓

Lunch就係食韓國之味四色燒烤(猪肉、牛肉、雞肉、魷魚)，冇得加肉...唔係好足夠..不過抽油煙機條野超長...其他野和香港差不多...工作人員換左好多蓋，因為LONE得好快
Gamsa hamnida~~

                           韓國人很重環保的，環保籤. . .


總覺得街道很似大陸...   巴士站

之後就係明洞購物大道同埋南大門傳統市場不過由於EDWARD話南大門治安不太好，所以冇去，明洞都唔係好岩我地去，唔係好岩行，同埋仲好眼訓，那裡買的大多是化妝品..Bruce話想睇面膜，俾佢嚇親= =...那裡最特別的是13cm超長雪糕..然後我地去搵地鐵站..好難搵啊...搵左30分鐘先去到...出番黎之後就去左樂天百貨行，見到部eeepc，上到網又on到msn..不過唔係幾好意思咁，最後都係off左先. . .

 南大門             新世界百貨公司            噴水池一個

 首爾塔           POST TOWER     13cm雪糕           入閘機

 地鐵站                       指揮交通的      防暴警察都俾我影到

明洞超長雪糕↓↓




明洞站迷途記↓↓




誤打誤撞下又黎左個免費既貨幣博物館.都有好多國家貨幣..又見到韓國又一環保證明(見相)。

  大門                    可以成箱捧走就好了~~

 現流通的韓紙幣     1947年發行的紙幣

循環再造過程：
              
Used banknotes

 Damaged banknotes

 Banknote sheets
                           
 Shreds pressed into bars   

 Construction materials made of banknote shreds

check in啦!!Hotel New Resung係我地頭2日住既hotel,攞左房之後就去對面大廈食晚餐了。

                       左邊係我個張
晚餐係海鮮火鍋，野食冇咩特別..但係食既方式就好特別啦..要跪係度食既..跪到抽筋

之後就周圍逛...食雪糕..講英文時d職員苦笑..韓國人D英文真係有待改善. . .


番酒店BRUCE諗住打保齡，但係太多人...就去超市逛逛了。

回房後再出發...逛了一陣街...本來想打桌球...又淆左底...
還是回房hea吧. . .

中環搭去梅窩都唔係好貴咋，只係22.2一位，OK 啦~搭左半個鍾到就到左啦，個時成班人都租晒單車迎接我地，真係當唐俾佢地串  左(前面打唔到個"死"字添)，咁我地梗係唔執輸啦~拿拿林租番部踩50蚊2日，算係咁啦~跟住就踩番去渡假屋放低D野，踩陣單車就去某seafood restaurant食晚飯了~...依餐唔錯嫁，係熱左D啫。飯後就番渡假村沖涼打牌玩killer，唔知點解成日都係我做nurse嫁呢玩到點幾鍾到，我的紅眼症又黎@@唯有去訓啦。(這晚訓得唔係幾好)

 誰在攝鏡？！
     第二日起身個肚突然超痛，好彩D正露丸仲係到~食完之後冇野lu..
之後冇咩野做，見不如係度打PSP，不如出去行吓啦，Jeff同Bruce都有同感，
Jeff話想去大佛，跟住我地就出發了~，出到碼頭車站，竟然冇一架車係去大佛，真係估唔到. . . 仲有更加估唔到嘅係，我地決定出東涌行街。去到東薈城，本來林住睇戲，點知個度冇早場，好多野又未開。咁唯有去pacific cafe度飲野啦，飲左杯咖啡真係人都醒D，之後？！之後就搭的士番梅窩啦！林番起都幾有貴族feel番到去食埋個中午餐就真係開始環島遊了~我地踩左去梅窩唔少嘅旅遊景點，有白銀鄉，文武廟，銀礦瀑布等~曬lone左...不過一班人一齊踩單車又唔錯喎！踩完番去借借law條短褲(我個條爆左)就去沙灘消消暑了~大熱天時游水真係太正啦.~潑下水，教下bruce踩水，時間過得好快~差唔多食晚飯了~應是BBQ先啱，起爐循例又是我們的強項，我們起了差不多半個鐘途中仲因打火機太近爐而搶火呢...現場真係非常危險..燒野食個時真係溶咁滯。燒完番渡假村灘一灘，十點幾就同Bruce,Jeff,law等踩夜車，踩踩下就失散左..等埋bruce就我地自己周圍踩LU，個度踩得嘅地方我地都去個晒啦~都幾有滿足感嫁。踩番去沙灘個度撞番JEFF同埋櫻..佢地飲緊酒，都估到有D唔妥嫁啦，點知櫻真係。。好心唔好飲咁多啦不過佢醉個時真係幾好笑^^但係就攪到我要攞兩部單車穿番去小路番渡假村，真係挑戰人類極限，這晚終於能訓個好了~這天撞到Polly，tomson佢地，估唔到佢地都有黎

 風和日麗嘅一日~~

 睇下Bruce踩得幾苦                 文武廟前的beyond手勢@@

 係文武廟前撞到兩個傻佬             E起棚牙，望住個camera
 (左起：一名基督徒和一名...道友)

 山路難行~小心小心                  到此一遊

 升仙圖一張                    這就是著名中外嘅銀礦瀑布

 一張自拍照~..係自己拍嘅照
   第三日也是走的一日了，朝早趁未還車就踩去第二邊，點知番黎先出事。因為我地番番去渡假村入口個時唔見左Bruce，咁我同law咪去搵佢囉~點知搵左一陣先知佢已經番番去，就係個時可能我受唔住打擊隻腳趾尾撞到舊石撞到損左。跟住LAW就車我番去life saver個度療傷，雖然話係腳趾尾，但係真係好痛，只好搭朱架車番碼頭(信不過LAW D技術)連走也只好著拖鞋了~

估下依個頭係邊個?(提示：個名"A"字頭)

        第一日5點35分就起身，因為搭8點55分機，係國泰747-40（CX713）cool!!跟住6點就到左南昌站，但係往香港站D車超疏，最後差唔多6點4先到九龍站(集合時間為6點45分)，點解我去九龍站?!因為我地搭機場快線囉^^係青衣搭冇咩癮加嗎跟住就同chaney一齊出發去機場啦，到左機場之後係A區搵埋個隨團領隊Andy報到就去寄倉了。然後andy講完D注意事項(最緊要個樣係超過100ml嘅液體包括水，cream，蚊怕水都唔俾handcarry，真係煩~)然後就過關了，用e道超快!!再慢步行去閘口….影下相就上機了。

CX713

架機好穩，坐近窗位嘅B位，攞左副啤牌，打左陣PSP就到曼谷了~^^相對那到過6、7次的舊機場，這新機場真是先進多了!!仲有D似香港嘅機場添!!不過感覺還是很陌生‧‧‧出境個時先發現泰國人的效率奇低，一條十幾個人嘅龍可以搞三十幾分鐘…攞左行李(還算快)就上車了。見到我們的導遊小鄭了!!佢係華僑，入籍左泰國，住左曼谷三十幾年。
        在去我們的第一站夢幻樂園的車程中佢講左好多有關泰國嘅野我地知，原來曼谷而家係一個龍蛇混雜的地方，好多泰北嘅難民都湧入首都搵食，治安非常差。同埋前總理他信在新機場買了五十多部x光行李機，被當地市民評為浪費。因為即使是英美等國每機場亦只有數部….小鄭都講得幾搞笑^^。

Dream World
到左夢幻樂園之後首先係食午餐在園內餐廳食的泰式自助餐覺得一般…..JOIN左兩母女之後就喪玩了~~玩了鬼屋(驚!!)，碰碰車x4，激流×3((((著左雨衣都濕晒…唔係激，而係因為有勁多瀑布，水柱個D噴晒水咁，我、CHANEY、小妹無一幸免> <”)))之後玩埋類似太空飛鷹嘅野，吹幾吹，衣服都乾埋^^然後就入雪城了~

so cold...

好可愛嘅bear

玩雪兜要行上去...行到shot左@@

所謂的大象蛋~ 大家估唔估到係咩黎?

由於那裹-6度，所以佢派左件厚褸同埋水鞋著左先入得去~真係好凍啊!!又影下相，玩左幾次雪兜，好似滑梯咁，唔係好驚，驚嘅都係驚反船啫@@隻手掂到D雪…超凍> <”之後就行番出去上車了!!

咁肥都做到人妖?!(千里傳音：人妖係冇分肥廋嫁!!!)

        第二個環節就係泰國出名嘅人妖歌舞表演了!!!有D其實真係好似女仔嫁~唔講你都唔知= =所以係泰國真係要落足眼力….話唔定隔離O個個女仔就係…個FD問：人妖可唔可以生仔架？……見佢唔係玩玩下咁，真係無言@@唔通你想？！ ....不過個SHOW都幾funny~^^睇完之後出到門口俾2個人妖捉住影相，係咁摸我條腰@@仲險遭強吻，好彩縮得快，好世界，上車先!!
    然後就搭車食晚飯啦!!間野個名好FUNNY…叫香港叉燒…不過係冇叉燒食嫁…食的是中國菜，OK LA~

our room
        之後就回Prince Palace Hotel了~這間不錯~一間四星hotel~ BELL Boy幫手攞行李~俾左20匹佢地，然後就同chaney落去11樓嘅LOBBY睇SWIMMING POOL~問埋個職員那裡有7-11就我地自己出去了....間7-11都唔係好難搵啫..5分鍾路程到...買左D小食就上返酒店食野...然後同埋Auntie,小妹搭的士出china town,好笑的是的士司機只懂簡單英語....雞同鴨講= =好在小妹仲記得china town嘅泰文係「右話啦」先去到咋。沿途經過一個停車場，見到幾group人(係幾個馬伕同埋幾個泰妹....)唉~治安之差實在讓人懷疑那裡是否首都....不過話時話，酒店附近D街燈好少....冇咩生氣，同香港真係差好遠~到了唐人街，就係咁揾我地嘅宵夜最後搵到間有air-con.同好多tourist嘅一間，D野好好味...食左咖哩炒蟹，炒飯，椰青...超飽了~事實上連上一餐都未開始消化....之後就上的士回酒店了～
p.s我地冇搭個＂篤篤＂因為小鄭話有個鬼佬曾經搭篤篤o個時轉彎成個人飛左出街。。穿左個頭，我地緊係唔敢搭啦～鬼佬話未搭過篤篤等於未黎過泰國，好彩我之前係布吉坐過啫

數月後. . .
由於太懶的關係，搞到已經唔記得晒d行程

劇終....